Ақтауда «Ғасырлар үні» байқауы өтті

Ақтауда «Ғасырлар үні» халықтық аспапта орындау және дәстүрлі ән байқауы өтті. Шара ҚР мәдениетіне еңбек сіңірген қайраткер Ғарифулла Құрманғалиевтың туғанына 115 жыл және күйші Әзидолла Есқалиевтың туғанына 90 жыл толуына орай ұйымдастырылды, деп хабарлайды mangystaumedia.kz қала әкімдігінің баспасөз қызметіне сілтеме жасап.

Байқау екі аталым бойынша өткізілді. Біріншісі - «Халықтық аспапта орындау», екіншісі - «Дәстүрлі ән айту».

Шараға 9 бен 13 жас және 14 пен 16 жас аралығындағы жасөспірімдер қатысты. Байқаудың халықтық аспапта орындау бөлімінде өнерпаз домбыра және қобыз, қылқобыз аспабында ән шырқауы керек. Атап айтқанда, қатысушы домбырамен Әзидолла Есқалиевтың «Фестиваль маршы» шығармасын және Мұрат Өскінбаевтың бір туындысын өз таңдауы бойынша орындауы тиіс.

Қобыз, қылқобыз аспабымен өнерпаз өз қалауы бойынша бір шығарма немесе халық композиторларының бір күйін шертуі керек. Ал дәстүрлі ән орындау бөлімінде қатысушы Ғарифулла Құрманғалиевтың берілген тізім бойынша бір әнін орындауы қажет.

-«Ғасырлар үні» байқауы дәстүрлі түрде жыл сайын өткізіледі. Байқаудың алдында іріктеу болды. Іріктеуге 100-ге жуық қатысушы келді. Іріктеуден өткен 61 өнерпаз «Ғасырлар үні» байқауына қатысты. Шараның мақсаты - дәстүрлі өнерді насихаттау, жасөспірімдерді ұлттық өнерге баулу және халық арасынан жас таланттарды анықтау, - деді «Абай» атындағы мәдени-демалыс кешені басшысының орынбасары Маргарита Омарова.

Байқау жеңімпаздары аталым және жас санаты бойынша дипломдармен және арнайы сыйлықтармен марапатталды.

«Халықтық аспапта орындау» аталымы бойынша

«Домбыра» 9-13 жас аралығы
Бас жүлде - Сыйлаған Қарабай
І орын - Кәусар Жалғасбай
ІІ орын - Әлтөре Қайролла, Иманғали Кеңесбай
ІІІ орын - Мадияр Сұлтансиық, Саян Ғайбулла, Нағим Әділхан
Арнайы жүлде - Олжас Қойсары

«Домбыра» 14-16 жас аралығы
Бас жүлде - Есет Ислам
І орын - Мұхтар Інжу
ІІ орын - Есет Бақдаулет, Нұрмұхамед Наргиз
ІІІ орын - Маратұлы Жасұлан, Бекбол Үміт, Мақсат Қазына

«Қобыз» 14-16 жас аралығы
Бас жүлде - Гаухар Алимбетова
І орын - Асылжан Қуан
ІІ орын - Жауқазын Әбу, Аяужан Кабулжан, Жансая Нұратақ
ІІІ орын - Құрақова Диана, Серік Шарапат

«Дәстүрлі ән шырқау» аталымы бойынша 9-13 жас аралығы
Бас жүлде - Амина Асгатова
І орын - Сандуғаш Мұқаш
ІІ орын - Жансая Қазиқызы, Марғұлан Қазыбек
ІІІ орын - Ернұр Ителгиев, Әсия Жаңбыр, Айдарали Тастанбек
Арнайы жүлде - Ақжол Кенжемұрат

«Дәстүрлі ән шырқау» аталымы бойынша 14-16 жас аралығы
Бас жүлде - Жансұлу Абдижамит
І орын - Рамазан Орынбасар
ІІ орын - Гүлназ Дайрабай, Арина Кожаева
ІІІ орын - Сейт Гүлназ, Гүлсім Шәмшидин, Мөлдір Бағлашова

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.