Ақтау қаласы аумағында 28-30 қыркүйек күндері аралығында “Түнгі қаладағы балалар” жедел-профилактикалық іс-шарасы өткізілуде. Шара мақсаты кәмелетке толмағандар арасындағы құқық бұзушылықтар мен қылмыстың алдын алу, болдырмау, түнгі мезгілде заңсыз өкілсіз жүрген жеткіншектерді анықтауға бағытталған, деп хабарлайды mangystaumedia.kz сайты облыстық ПД баспасөз қызметіне сілтеме жасап.
Аталған шараға білім беру ұйымдарының өкілдері де белсенді қатысуда. Полицейлермен ойын-сауық орталықтары және компьютер клубтары жаппай тексерілуде.
Рейдтік іс-шара барысында заң бұзушылыққа жол берген жасөспірімдер полиция басқармасына жеткізіліп, олардың ата-аналары әкімшілік жауапкершілікке тартылуда.
- Ата-аналар назарына! Кәмелет жасына толмаған бала түнгі 23:00 кейін тұрғынжайдан тыс жүруге болмайтындығын қатаң ескертеміз,- делінген хабарламада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
