Биыл Маңғыстау ауданына – 95 жыл. Мерейтой аясында ауданда түрлі ғимараттар бой көтеріп, бірнеше мәселе шешім таба бастады. Бұдан бөлек, жергілікті тұрғындардың көңіл-күйін көтеру мақсатында мерекелік концерт ұйымдастырылды, деп хабарлайды mangystaumedia.kz сайты.
Концертте эстрада жұлдыздары Елена Әбдіхалықова, Айгүл Қосанова, Тамара Асар, Ақылбек Жеменей, Ақмарал Арғынқызы , Марат Сафаров, Алпысбек Оңайбаев, Бауыржан Ретбаев, Мәлік Жамбылұлы, Сұңғат Жолдасбаевтар өнер көрсетіп, ауыл кешін әнге бөледі. Ауданның қара шаңырағы Шетпе ауылында өткен бұл іс-шара Орталық стадионда болды.
Сондай-ақ концерт барысында киіз үйлер тігілді. Мерекелік кешке келген аудан тұрғындарының қарасы көп болды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
