Маңғыстау облысы ПД-нің Есірткіге қарсы іс-қимыл басқармасы жастарды салауатты өмір салтын ұстануға шақырды, деп хабарлайды mangystaumedia.kz.
Ақтауда «Салауатты өмір салтын ұстану» тақырыбында Наурыз мерекесі қарсаңында №1 орта мектебінде есірткіге қарсы тәрбие жұмыстары өтті.
Мемлекет басшысы Қасым-Жомарт Тоқаевтың халыққа Жолдауында есірткінің, оның ішінде синтетикалық есіркінің таралуы – болашақ ұрпақтың жағдайына қауіп төндіретінін атап өткені белгілі. Осы ретте есірткінің қылмысын оның ішінде синтетикалық есірткі затын алдын-алу бағыттары бойынша құқық қорғау органдары тарапынан барынша профилактикалық іс-шаралар жүргізіліп жатыр.
Осыған орай Маңғыстау ПД Есірткі қылмысына қарсы іс-қимыл басқармасының жедел уәкілі, полиция капитаны Алтынай Әмірғалиева Ақтау қаласындағы №1 жалпы білім беру орта мектебінің директоры Бекес Испекеевпен бірге оқушылар мен мұғалімдерге «Салауатты өмір салтын ұстану» тақырыбында Наурыз мерекесіне орай профилактикалық түсіндірме жұмыспен іс-шарасын ұйымдастырды.
Мұндай тәрбиелік сағаттарды Маңғыстау облысы ПД Есірткі қылмысына қарсы іс-қимыл басқармасы жастарды жаман әдеттен аулақ болуға салауатты өмір салтын ұстануға бағыттап отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
