Ақтауда ойын алаңдарының бірінде әйел адам әткеншекте отырған баланы ұрған. Оқиғаны сол маңдағы куәгерлердің бірі бейнежазбаға түсіріп алған, - деп хабарлайды mangystaumedia.kz.
Бейнежазбадан байқағанамыздай, ашулы әйел адам әткеншекте отырған баланың қасына жақындап келіп, шапалақпен ұрған. Ізінше кішкентай баланың екі қолынан қатты ұстап алып, сілкіген.
Кейін баланы күшпен сүйреп, кішкентай қыз баланың қасына алып келеді. Ал ол қыз баланы итеріп жібереді.
Өңірдің полиция департаменті әйел адамның жеке басы анықталғанын хабарлады.
«Ол қоғамдық бөгде адамға тиіскені үшін ҚР ӘҚБтК 499-бабы бойынша әкімшілік жауапкершілікке тартылды. Әйел адамға 5-пен 10 АЕК-ке мөлшерінде айыппұл салынады», - деді облыстық полиция департаментінің баспасөз қызметі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
