Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
"Хан-Шахар" салтанат сарайында Евразия қорының орталық Азиядағы инновациялар бағдарламасының аясында облыс әкімдігінің, облыс әкімі жанындағы әйелдер істері және отбасылық-демографиялық саясат жөніндегі комиссияның, өңірлік кәсіпкерлікті қолдау палатасының қолдауымен, " Ұрпақ Next" қоғамдық қорының ұйымдастыруымен "Ауыл әйелдерінің форумы" өтті, деп хабарлайды mangystaumedia.kz
Іс-шараның мақсаты - "Ауыл әйелдеріне инновация" жобасының қорытындысымен көпшілікті таныстыру, ауыл әйелдеріне қолдау көрсету, кәсіпкерлікті дамыту бағытындағы бағдарламалар туралы түсіндіру.
Іс-шараға аудан-қалалардан келген қыз-келіншектер, облыс әкімі жанындағы Әйелдер істері және отбасылық-демографиялық саясат жөніндегі комиссияның мүшелері, облыстық іскер әйелдер кеңесі, облыстық кәсіпкерлік және сауда басқармасы, кәсіпкер әйелдер қауымы қатысты.
Алғы сөзді алған Г.Мұратбай " Ауыл әйелдеріне инновация" жобасы туралы айтып өтті. Сондай-ақ "Бір ауыл-бір өнім" республикалық пилоттық жобасы туралы С.Салихова, кәсіпкерлікті дамыту туралы Ж.Тоқбаева, " Әйелдердің ауыл мен ауыл шаруашылығына қосар үлесі" және "Асқар шыңдарға туралы тіккен ауыл әйелдері " кітабында жарық көрген ауыл әйелдері туралы С.Алибековалар баяндама, презентация жасады. Осы жоба аясында кәсібін бастаған қыз-келіншектер өздерінің алған әсерлері мен табыстары туралы ой бөлісті. Өз қолдарымен жасаған бұйымдар көрмесі жасақталды.
Форум аясында "Асқар шыңдарға ту тіккен ауыл әйелдері " кітабына енген ауыл тұрғындарына кітап табыс етіліп, көрмеге өз өнімдерін алып келген кәсіпкер әйелдерге облыс әкімі орынбасарының алғыс хаты табысталды.
Ауыл-халқымыздың бірегейлігі мен бірлігінің, тарихы мен мәдениетінің қайнар көзі. Қай салада болмасын батыл қадам жасап, жауапкершілік пен табандылықтың озық үлгісін көрсетіп келе жатқан әйелдер қауымына қолдау әрқашан жоғары болмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.