Ақтауда 17 ақпан күні шахматтан ҚР чемпионатының жартылай финалы өтеді. Жарысқа 14 облыс және 3 қаладан келетін 140-қа жуық шахматшы қатысады, - деп хабарлайды mangystaumedia.kz сайты.
Әр өңірден келетін ұшқыр ой иелері 25 ақпанға дейін бақ сынамақ. Жартылай финалға қатысушылар классикалық шахмат ойыны бойынша сынға түседі. Ойын 9 кезеңнен тұрады және әр қатысушыға бір жарым сағат уақыт беріледі.
Жарыста жеңімпаз атанған шахматшылар мамыр айында өтетін ҚР супер финалға жолдама алады.
Айта кетейік, шахматтан ҚР чемпионатының жартылай финалы Ақтауда екінші рет ұйымдастырылып отыр. Халықаралық шеберлер мен 20-дан аса спорт шеберлері келеді деп жоспарланып отыр.
Жұлдызай ҚАЛИЕВА
Суретті түсірген Талант ҚҰСАЙЫН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
