Ақтауда арзан жолдама сатқан алаяқ ұсталды

Ақтау қалалық полиция басқармасына алаяқтан зардап шеккен жергілікті тұрғын арыз жазды. Алаяқ әйел демалыс маусымын пайдаланып, Түркияға арзан жолдама уәде етіп, жәбірленушінің 350 000 теңге көлеміндегі ақшасын алып, уәдесінде тұрмаған, деп хабарлайды mangystaumedia.kz.

Криминалдық полиция қызметкерлері бұл қылмысқа қатысы бар 36 жастағы азаматшаны анықтап, ұстады.

Аталған дерек бойынша қылмыстық кодекстің 190-бабының 1-бөлігі (алаяқтық) бойынша сотқа дейінгі іс жүргізу басталды. Өзге ақпарат тергеу мүддесіне орай жария етілмейді.

Маңғыстау облысының полиция департаменті азаматтардан бейтаныс адамдарға ақша жібермеуді, көрсетілетін қызметтерді мұқият зерделеуді, түсініктемелерді, пікірлерді оқуды және осыдан кейін ғана қаржылық операция жасауды сұрайды. Алданған жағдайда дереу полицияға хабарласу керектігін ескертеміз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.