Тариф шығыны: «Маңғыстау жарық» ЖШС қолданыстағы тарифті қайта қарауға өтінім берді

«Маңғыстау жарық» ЖШС электр энергиясының қазіргі тарифі шығын келтіріп отыр деп есептейді, деп хабарлайды mangystaumedia.kz.

Тарифтер станциялардан сатып алу бағасын қарапайым түрде қамтымайды, бұл үлкен тәуекелдің болуын көрсетеді, дейді компания.
«МАЭК-Қазатомөнеркәсіп» ЖШС тіпті өз шығындарын жабуға да ақшаны толық ала алмайды. Біздің өңірдің әрбір тұрғыны «МАЭК-Қазатомөнеркәсіп» ЖШС Маңғыстау облысының жүрегі екенін біледі. Біздің ортақ міндетіміз – жүрегімізді «инфарктқа» жеткізбеу деп санаймыз. Ағымдағы уақыт кезеңінде тарифтерді тежеу мақсатында халық үшін тарифтерді саралаудың «үйлесімсіз» әдісі қолданылды. Бұл дифференциация ШОБ субъектілеріне және мемлекеттік бюджеттен қаржыландырылатын ұйымдарға әділетсіз болғанын мойындау керек, өйткені халықтың барлық жүктемесі тұтынушылардың басқа топтарына аударылды», - дейді компания директоры Ермек Дәулетпақов.

Мемлекет басшысының тарифтерді көтеруге мораторий енгізуіне байланысты (180 күн) «Маңғыстау Жарық» ЖШС 2022 жылдың 1 тамызына дейін Ақтау қаласы мен Мұнайлы ауданының тұтынушылары үшін тарифті өзгертуге өңірдің Табиғи монополияларды реттеу департаментіне өтінім берген жоқ.

- Ақтау қаласы мен Мұнайлы ауданының тұтынушылары үшін қойылған тариф шығын келтіргеніне қарамастан, «Маңғыстау Жарық» ЖШС жеткізушілермен, соның ішінде «МАЭК-Қазатомөнеркәсіп» ЖШС-мен уақытылы есеп айырысуды жалғастыруда. Тұтынылған электр энергиясы үшін тұтынушылардың «Маңғыстау Жарық» ЖШС алдындағы берешегі бүгінде 4 353 млн теңгені құрайды, оның ішінде бюджеттік ұйымдар мен МКК бойынша – 1 990 млн теңге, заңды тұлғалар бойынша – 1 563 млн теңге, халық бойынша – 1 млрд теңге, - деді компания директоры.

Мораторийдің аяқталуына байланысты, сондай-ақ энергия өндіруші «МАЭК-Қазатомөнеркәсіп» ЖШС ұйымынан электр энергиясын өндіруге шекті тарифті кезекті түзету туралы хабарландыруды ескере отырып, «Маңғыстау Жарық» ЖШС өңірдің Табиғи монополияларды реттеу департаментіне тарифтің қолданыстағы деңгейін қайта қарау туралы өтініммен жүгінді.

Қазір тариф тұрғындар үшін 17,88 теңгені, заңды тұлғалар үшін – 19,96 теңгені, ал бюджеттен қаржыландырылатын заңды тұлғалар үшін – 22,12 теңгені құрайды. «Маңғыстау Жарық» ұсынған жоба бойынша тариф сәйкесінше 19,13 теңгеге, 25,95 теңгеге және 54 теңгеге дейін өсуі мүмкін.
Компания Ақтауда бір пәтер 200 кВт/сағ тұтынған кезде халықтың электр энергиясы үшін ай сайынғы төлемі тек 250 теңгеге өседі деп сендіреді.

- Біз уәкілетті органға жаңа тарифтің барлық есептері мен негіздемелерін ұсындық. Сондай-ақ, белгіленген рәсімдерге сәйкес қоғамдық тыңдаулар өткізілді, онда Ақтау қаласы мен Мұнайлы ауданының тұтынушылары ұсынылған тарифтер бойынша сөз сөйледі, - деп атап өтті Ермек Дәулетпақов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.