Ақтауда кіші медицина қызметкерлері марапатталды

Бүгін бірнеше медицина қызметкері Covid – 19 індеті кезіндегі еңбегі үшін «Жанқиярлық күресі үшін» медалімен марапатталды, - деп хабарлайды mangystaumedia.kz сайты.

Марапатты «Ақ жол» демократиялық партиясының Маңғыстау блыстық филиалының төрағасы, Маңғыстау облыстық мәслихат депутаттары Жаңбырбай Матаев пен Гүлмайса Шаңбаева табыстады. Алдымен партия өкілдері Облыстық перинаталдық орталығына барды. Кейін облыстық көпбейінді балалар ауруханасына келіп, пандемия уақытында аянбай қызмет еткен кіші медицина қызметкерлері Набат Дәулетбайқызы мен Жадырасын Суюнқызына берілді.

Медицина ұйымдарының басшылығы тарапынан кіші қызметкерлерге алғыс, жылы лебіз, құрмет көрсетілді.

«Еңбегімізді елеп, арнайы марапат табыстап жатқан «Ақ жол» демократиялық партиясы өкілдеріне және басшылыққа алғыс айтамын», - деді Жадырасын Суюнқызы.

Сонымен қатар аталған марапат облыстық аурухана қызметкерлеріне де табысталды.

Жұлдызай ҚАЛИЕВА

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.