Қырғыз этномәдени бірлестігі облыстағы провизорлық орталықтардағы дәрігерлер мен науқастарға, еріктілерге 5 тонна көкөніс пен жеміс-жидекті тарту етті, - деп хабарлайды mangystaumedia.kz сайты.
Оның 1 тоннасы «Кәусар бұлақ» шаруа қожалығы атынан берілді.
Мұндағы негізгі мақсат – медицина қызметкерлерінің қажырлы еңбегі үшін алғыс айту. Сонымен қатар провизорлық стационарды оттегі балондарымен қамтамасыз еткен белсенділерге қолдау білдіру.
«Осындай қиын уақытта дәрігерлерімізге рақметімізді айтып, алғысымызды білдіру, оларға күш-қуат пен шыдамдылық, денсаулық тілеу – өте маңызды. Біздің тартуымыз аурухана қызметкерлеріне көмектеседі деп ойлаймыз. Кейде үзіліс жасап, алаңдап, ойды ретке келтіріп тұру қажет. Мұндай акциялар алдағы уақытта да жалғасын табады», - деді «Ала-ТОО» қырғыз ЭМБ төрағасы Наркозуев Маматкадыр.
Айта кетейік, шара Маңғыстау облысы Қазақстан халқы Ассамблеясының ұйымдастыруымен «Ел игілігі үшін» жобасы аясында өтті.
Жұлдызай ҚАЛИЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
