Жаңаөзен қаласына қарасты Қызылсай ауылында спорт алаңының құрылысы басталды. Бұл туралы Қызылсай ауылының әкімі Расул Әбішаев мәлім етті, деп хабарлайды mangystaumedia.kz.
Оның айтуынша, жаңа нысан «ҚазМұнайГаз» акционерлік қоғамының демеушілігімен салынып жатыр.
«Спорт саласын дамытып, тұрғындарды салауатты өмір салтына бейімдеуде осындай бастамалардың маңызы зор. Қазір құрылыс жұмыстары басталды. Нақтылап айтқанда, спорт алаңының жері тегістеліп, құм төгілді. Қоршау бағаналары орнатылып, жиектастар қойылды. Құрылыс шілде айында аяқталып, қолданысқа беріледі деп жоспарланған», - деді Расул Әбішаев.
Алдағы уақытта Қызылсай ауылы М. Шолтаманұлы көшесінің бойында ашық балалар ойын алаңын салу жоспарланып отыр. Құрылыстың орналасу жері нақтыланып, мердігер мекемесі анықталды. Құрылыс жұмыстары мамыр айында басталады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
