© Фото скриншот
1 мамырдан бастап ПИК суара алмайтын шағынаудандардағы жасыл-желектер арнайы водовоз арқылы суарылды. Бұл туралы Ақтау қаласының әкімдігі мәлімдеді, - деп хабарлайды mangystaumedia.kz сайты.
Осы ретте қала әкімі Нұрдәулет Қилыбай аталған жұмыс барысымен танысып, жүргізушілердің пікірін тыңдаған болатын.
Ақтау қаласы әкімдігі баспасөз қызметінің айтуынша, биыл суару жұмыстарына 324 текше метрді құрайтын 50-ден астам көлік жұмылдырылады. Сондай-ақ көгалдандыру жұмыстарымен “Ақтау тұрғын-үй” МКМ және “Ақбота” МКМ айналысады.
Ал “Ақтау тұрғын-үй” МКМ басшысының м.а. Жамбыл Төремұратұлы көгалдандыру жұмыстарының дайындығы ерте басталғанын айтып отыр.
“Шағынаудан ішіндегі талдарды суаруға ерекше көңіл бөлінуде. Қаладағы 44 ПИК-пен (КСК) келісім жүргізілді. Сәуірдің ортасынан бастап 27 КСК суаруды бастап кетті. Орталық суаруға арналған құбырлар жөндеуден өтіп, іске қосылған. Биыл жұмыс нәтижелі болады деп ойлаймыз”,-дейді Жамбыл Төремұратұлы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
