Биыл 25 сәуірде Ақтау қаласының 5 шағынауданындағы тұрғын үйдің пәтерлерінің бірінен әйелдің мәйіті табылған болатын. Оқиғаны тергеп-тексеру барысында әйелдің "Kaspi Gold" картасынан үш миллион теңге сомасындағы ақша қаражатының жоғалғандығы анықтады. Бұл туралы mangystaumedia.kz сайты МО Полиция департаментінің баспасөз қызметіне сілтеме жасап хабарлайды.
Аталған факті бойынша Қазақстан Республикасы Қылмыстық кодексінің 99-бабы "Адам өлтіру"бойынша қылмыстық іс қозғалды. Сот-медициналық сараптама тағайындалды.
Жедел-іздестіру шаралары барысында Түпқараған ауданындағы Таушық ауылында криминалдық полиция қызметкерлері күдіктіні анықтап, ұстады.
Ұсталған азамат кінәсін мойындады. Тінту кезінде полицейлер одан 2 миллион 500 мың теңге ақша қаражатын тәркіледі. Күдікті ҚР ҚІЖК 128-бабы негізінде Ақтау қаласы полиция басқармасының уақытша ұстау изоляторына қамалды, делінген хабарламада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
