Бүгін Маңғыстау облысы әкімінің орынбасары Гүлмира Қалмұратова мен облыстық ішкі саясат басқармасының басшысы Аманғали Нұрдәулетов дәрігерлерді Халықаралық әйелдер күні мерекесімен құттықтады, - деп хабарлайды mangystaumedia.kz сайты.
"Ана мен бала" орталығының, Маңғыстау облыстық ауруханасы және Ақтау қалалық перинаталдық орталығының дәрігерлерін әсем әнмен құттықтады. Ақ халатты абзал жандармен қатар ауруханада емделіп жатқан науқастарға да гүл сыйлап, тәттілерді табыстады.
Мерекелік шара барысында Маңғыстау облысы әкімінің орынбасары Гүлмира Қалмұратова сөз сөйлеп, дәрігерлерге жылы лебізін білдірді.
Осы ретте Ақтау қалалық перинаталдық орталықтың директоры Ғалия Амангелдіқызы мерекелік көңіл-күй сыйлаған әкімдік қызметкерлеріне алғыс айтты.
"Мереке қарсаңында 22 сәби дүниеге келді. Оның 10-ы - қыз, қалғаны ұл. Қазір аналар мен балалардың денсаулығы жақсы. Бүгін мен маңғыстаулық қыз-келіншектерді мерекемен құттықтаймын. Сіздерге денсаулық, бақыт тілеймін. Дені сау ұрпағымыз көп болсын", - дейді Ғалия Амангелдіқызы.
Әрі қарай мерекелік шара М.Өскінбаев атындағы облыстық филармония әншілерінің ән шашуымен жалғасты.
Жұлдызай ҚАЛИЕВА
Суреттер автордан
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
