Маңғыстау облысының 2021 жылғы бюджеті 234 млрд теңгені құрады

11 желтоқсан күні Маңғыстау облысының бюджеті бекітілді. Республикалық бюджеттен бөлінетін трансферттер мен кредиттерді есепке алғанда жергілікті бюджеттің жалпы көлемі 234 млрд теңгені құрады. 2020 жылдың бекітілген бюджетімен салыстырғанда 11% өсім бар. Бұл туралы Маңғыстау облысының қоғамдық коммуникация орталығында өткен брифингте МО Экономика және бюджетті жоспарлау басқармасының басшысы Марина Әлібекова мәлім етті.

Оның айтуынша, жалпы экономикалық және бюджетті жоспарлаудың саясаты – өңірдің тұрақты әлеуметтік экономикалық дамуын қамтамасыз етуге бағытталған.

«2021-2025 жылдарға арналған жаңа бағдарламасы әзірленді. Орталық деңгейде базалық индикатор тізімі бектілгеннен кейін, областық мәслихат сессиямен бікітілетін болады. Жасақталған бағдарлама халықтың өмір сапасына әсер ететін проблемаларын шешуге бағытталған. Жалпы өңір экономикасының негізгі салалары болып табылатын өнеркәсіп – 53%, көлік және қоймалау – 7,7%, жылжымайтын мүлікпен жасалатын операциялар – 7,7%, құрылыс – 4,1%, көтерме және бөлшек сауда – 3,8%, басқалар – 22,7%. Осы салалар жалпы өңірлік өнімді құрайды», - деді Марина Әлібекова.

Бюджетаралық қатынастарды және мемлекеттік басқару жүйесін жетілдіру мақсатында 2020 жылдың 1-ші қаңтарынан бастап бюджеттің кіріс бөлігіне шағын және орта бизнестен түсетін корпоративтік табыс салығы берілді. Оның көлемі 15 млрд.теңгені құрады. 2020 жылға арналған облыс бюджеті 210 млрд.теңге көлемінде бекітілді. Жергілікті бюджет көлемі 4 рет нақтыланып, қазір 274 млрд.теңгені құрайды.

«Бюджетаралық қатынастарды және мемлекеттік басқару жүйесін жетілдіру мақсатында 2020 жылдың 1-ші қаңтарынан бастап бюджеттің кіріс бөлігіне шағын және орта бизнестен түсетін корпоративтік табыс салығы берілді. Оның көлемі 15 млрд.теңгені құрады. Сондай-ақ, 2020 жылдан бастап Президенттің «Сындарлы қоғамдық диалог - Қазақстанның тұрақтылығы мен өркендеуінің негізі» атты Жолдауындағы тапсырмасына сәйкес, патенттер бойынша жұмыс істейтін шамамен 17 мың микро және шағын бизнес субъектілері табыс салығын төлеуден үш жыл мерзімге босатылды», - деді Марина Әлібекова.

Тұтастай алғанда, өңірдегі бюджет саясаты мемлекеттік бағдарламалар арқылы іске асырылады. Мысалы, «Білім беруді, денсаулық сақтауды дамыту» мемлекеттік бағдарламаларының аясында біз мұғалімдердің еңбекақы өсімін, вакциналар сатып алуды қамтамасыз етіп отырмыз. «Өңірлерді дамытудың» мемлекеттік бағдарламасы бойынша инженерлік желілер мен тұрғын үй-коммуналдық шаруашылық нысандары салынуда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.