Маңғыстауда браконьерден 34 келі балық тәркіленді

Ағымдағы жылдың 24 қыркүйегінде сағат 16:13 шамасында “Қаламқас” мұнай-газ кен орнына қарасты аймағының қиыршық тас жолында «Газель» автокөлігі тоқтатылды.Т ексеру барысында полицейлермен заңсыз ауланған салмағы 34 келі 100 граммды құрайтын “Бекіре” тұқымдас балық, үрлемелі қайық, сондай-ақ балық аулауға арналған жылым тәркіленді, деп хабарлайды mangystaumedia.kz сайты облыстық ПД-ға сілтеме жасап.

Табиғатты қорғау заңнамасын бұзған 37 жастағы азаматқа қатысты аталған дерек ҚР ҚК 339-бабы (өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша тіркелді. Өзге мәліметтер тергеу мүддесінде жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.