С. Шапағатов ауылының VI кварталында газдандыру аяқталды

Қазақстан Республикасының Тұңғыш Президенті күні қарсаңында Маңғыстау облысының әкімі Серікбай Трұмов Түпқараған ауданындағы Сайын Шапағатов ауылының VI кварталында газ құбырын іске қосу рәсіміне қатысты. Сондай-ақ, аймақ басшысы жаңа су құбыры құрылысының аяқталуымен танысты. Бұл туралы mangystaumedia.kz сайты Маңғыстау облысы әкімінің баспасөз қызметіне сілтеме жасап хабарлайды.

С. Шапағатов ауылында 2019 жылы құрылысы басталған газдандыру процесі аяқталды. Нәтижесінде VI кварталға 65 шақырым газ құбыры тартылып, көгілдір отын ауыл тұрғындарының үйлеріне жеткізілді. Осылайша 1300-ден астам тұрғын үй газбен қамтамасыз етілді.

Сонымен қатар, өңір басшысы С. Шапағатов ауылындағы резервуардың құрылысымен және ұзындығы 53 шақырымға жуық ауылішілік су құбырының жобасымен танысты. Жобаны іске қосу желтоқсан айының ортасына жоспарланған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.