Ақтау қалалық Полиция басқармасы ювеналды полиция бөлімінің қызметкерлері көпқабатты тұрғын үй төбесінде «тик-ток» түсірген кәмелетке толмаған балаларды анықтады, деп хабарлайды mangystaumedia.kz сайты Маңғыстау облысы полиция департаментінің баспасөз қызметіне сілтеме жасап.
Олар - Ақтау қаласының 5-сынып оқушылары.
Балалардың ата-анасына қатысты ҚР Әкімшілік кодексінің 127-бабы (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша әкімшілік хаттама жасақталды.
Материалдар қала әкімдігі жанындағы кәмелетке толмағандардың құқықтарын қорғау жөніндегі комиссияға жіберіледі.
«Ата-аналармен профилактикалық әңгімелесу жүргізілді», - деп мәлімдеді МО полиция департаментінің басшысы Жанарбек Бақтыбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
