Кеше Түпқараған аудандық полиция бөлімінің қызметкерлері 18 бекіре балығын үйінде сақтаған тұрғынды тауып алды, - деп хабарлайды mangystaumedia.kz сайты Маңғыстау облысы полиция департаментінің баспасөз қызметіне сілтеме жасап.
«Браконьер» жедел-профилактикалық іс-шаралары барысында табылған балықтың салмағы - 52 келі.
Қазіргі таңда 47 жастағы күдіктіге сирек кездесетін және құрып кету қаупі төнген, сондай-ақ тыйым салынған өсімдіктер мен жануарлар түрімен, олардың бөліктерімен немесе туындыларымен заңсыз жұмыс істеу фактісі бойынша қылмыстық іс қозғалды.
Полиция қызметкерлері балықтарды тәркілеп, «Казах Осетр» ЖШС-ке тапсырды.
«Күдіктіге қатысты сотқа дейінгі тергеу басталды. Соңғы шешімді сот шығарады», - дейді Маңғыстау облысы полициясының бастығы Жанарбек Бактыбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
