Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қазір өңірдегі І және II деңгейлі инфекциялық стационарда 57 адам емделіп жатыр. Соның 8-і тест тапсырып, сынама оң нәтиже көрсеткен.
Бұл туралы қоғамдық коммуникация орталығында өткен брифингте МО денсаулық сақтау басқармасының басшысы Жамал Жаманбаева айтты.
«Қазіргі уақытта жансақтау бөлімінде 5 науқас жатыр. 4 науқастың жағдайы ауыр, 1 науқас өте ауыр хәлде жатыр. Біреуі тыныс алу аппаратына қосылған. Бұл бөлімге түскендердің нашарлауына жедел тыныс жетіспеушілігі және ілеспе аурулардың болуы себеп. Бүгінде аймақтың оқшаулау орындарындағы төсек-орын жүктемесі 27 пайызды құрайды. Сондай-ақ Маңғыстауда жедел-жәрдем автокөлігінің санын көбейту мақсатында 62 реанимобиль алынады. Қазіргі уақытта 20 жедел-жәрдем көлігі пайдалануға берілді. Жыл соңына дейін ауылдық елді-мекендерге 34 медициналық УАЗ автокөлігі алынады. Күні кеше 2 жылжымалы медициналық кешен алынып, Қарақия және Түпқараған ауданына берілді», - деді Жамал Жаманбаева.
Облыс көлемінде 215 инфекциялық І-ІІ сатылы төсек орын бар. Реанимациялық төсек саны - 43. Анықтамасыз шетелден келген ҚР азаматтары мен шетел азаматтарына арналған карантиндік стационарларда 270 төсек орын бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.