Коронавирус инфекциясының белгілері пайда болған жағдайда маңғыстаулықтар қайда көмекке жүгіне алады?

Коронавирус инфекциясының белгілері пайда болған жағдайда маңғыстаулықтар қайда көмекке жүгіне алады?

Медициналық сақтандару қорының мәліметінше, ҚР азаматтары өздігінен короновирус індетіне анализ жасай алмайды. Сараптама қажеттілігін дәрігер анықтайды.

— Егер сізде немесе сіздің таныстарыңызда коронавирустың белгілері байқалса, сіз 1406 байланыс орталығынан кеңес ала аласыз немесе 103 нөміріне қоңырау шалып, жедел медициналық бригаданы шақыра аласыз, — делінген қордың Facebook парақшасында.

Коронавирустың белгілері қандай?

ҚР Денсаулық сақтау министрлігінің айтуынша, коронавирус жұқтырған адамда алдымен температура көтеріліп, құрғақ жөтел пайда болып, тыныс алуы қиындайды.

— Атаулы белгілер пайда болғанда дереу жедел жәрдем шақырыңыз немесе күні- түні жасайтын call орталығына 1406 нөмірі арқылы қоңырау шалыңыз, — деп министрлік тағы да ескертеді.

Қазіргі таңда Қазақстанда 13 адамнан коронавирус індеті табылды. Олардың екеуі Нұр-Сұлтанда, қалғаны Алматыда карантинде жатыр. Елде төтенше жағдай режімі орнатылды. Үлкен сауда орталықтары, кинотеатрлар, көрмелер жұмыс жасамайды. ҚР азаматтарына халық көп шоғырланған жерге бармай, барынша үйде отыруға, сондай-ақ қолды жиі жууға, бетперде киіп жүруге кеңес берілді.

Арай ЖАУПЕРОВA

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.