Коммуналдық қызмет жұмыстары бойынша брифинг өтті
[ 2019 ] 27 қараша, 05:40 | Жаңалықтар
Ақтау қаласы әкімдігінде «Каспий жылу, су арнасы» МКК мен «Ақтау электр желілері басқармасы» МКК-ның атқарған жұмыстары бойынша брифинг өтті, - деп хабарлайды mangystaumedia.kz сайты Ақтау қаласының баспасөз қызметіне сілтеме жасап.
Жиынға «КЖСА» МКК басшысы Бақыт Шапқан, «АЭЖБ» МКК-ның бас инженері Этирбек Махамбетов қатысты.
Облыстық энергетика және тұрғын үй комуналдық шаруашылық басқармасына қарасты «Каспий жылу, су арнасы» кәсіпорны қала халқын жылумен, сумен қамтамасыз етіп, инженерлік желілерге техникалық қызмет көрсетеді. Кәсіпорынның теңгеріміне 437,8 км - сумен жабдықтау, 464,4 км - жылумен жабдықтау және 327,7 км - кәріз желілері жатады. Бүгінде аталған желілердің - 50 пайызының тозығы жеткен.
2019 жылдың қаңтар айынан 25 қарашаға дейін техникалық су - 660, ауыз су - 502, жылу желісінде - 505 ақаулар орын алған. Қысы, жазы аталған инженерлік желілерде күніне орта есеппен 5 ақау орын алып, тұрғындар тарапынан шағымдар келіп түседі. Ақаулар дер кезінде қолға алынып жөнделуде.
Жыл басынан бері мекемемен жылу құбыры - 5,7 км, ауыз су - 5,7 км, кәріз - 10,6 км құбырлар жаңасына ауыстырылған.
Мекемеде жұмыс күндері жылу, су желілеріндегі апаттық жағдайды жөндеуге 2 учаске, 1 жөндеу группасы жұмыс жасайды, кәріз құбыры бойынша – 1 учаске және 1 кәріз тазалау группасы үздіксіз ауысыммен жұмыс жасайды. Сондай-ақ, жедел диспетчерлік қызмет бөлімі тәулік бойы 60-53-16 телефоны арқылы шағымдарды қабылдайды. Сонымен қатар, мекемемен ақау болған учаскелерде жолдарды қайта қалпына келтіру жұмыстары жүргізіледі. Биыл осындай мақсатта 3815 шаршы метр жерге асфальт төселген. Бұл жұмыстар тек ауа райының жылы мезгілінде жүргізіледі.
«АЭЖБ» МКК электр қуатын трансформаторлық постанциядан тұрғын үйдің жер төлесіне дейін жеткізеді. Яғни, тек заңды тұлғаларға қызмет көрсетеді. Ал, жер төледен жалпы тұрғын үйге таратуды басқа мекеме айналысады. Жыл басынан бері кәсіпорын қаланы жарықтандыру бойынша 24 шағын аудан, медициналық орталықтан бастап теңіз институтының алдымен Ш.Есенов атындағы университет аралығын жарықтандырды. Онда 34 жарық диодты шамдары бар бағаналар орнатылып, 835 метр жерге желі жүргізілді. Сондай-ақ, 22 шағын аудан, «У Николая» автоорталығынан КЖС қиылысына дейінгі аралықтағы автожолға 35 дана энергия үнемдейтін шамдар орнатылды. Биыл қала көшелерінде 3200 дана шам мен 200 жарықшам ауыстырылды. Кәсіпорын күнделікті көше жарығы мен кәбілдік желілеріндегі ақауларды реттеумен айналысады. Орта есеппен күнделікті 4 ақау орын алып, мәселе уақытылы шешіліп отырады. Көше жарығы бойынша жыл басынан бері 1350 ақау орын алып, дер кезінде жөнделген.
Қала тұрғындарынан түскен шағымдарды жедел диспетчерлік қызметі тәулік бойы қабылдайды.
1010
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.