Пандус салынбаған ғимараттар пайдалануға берілмейді

Ақтау қаласының әкімдігі мүмкіндігі шектеулі жандардың қоларбамен жүріп-тұруына ыңғайлы орта қылыптастырып, қоғамдық кеңістікті жаңарту мақсатында жаңа акция бастайды, - деп хабарлайды mangystaumedia.kz сайты Ақтау қаласының әкімдігіне сілтеме жасап. Қаладағы ғимараттардың көпшілігінде мүгедектерге арналған пандустар салынбаған, барының өзі талапқа сай емес. Тағдырдың тәлкегіне түскен жандарға қоғамдық жерлерде қолайлы жағдай жасау үшін барлық кәсіпкерлерді, мекеме басшыларын пандус салуға шақырамыз, делінген ақпаратта. Қалалық сәулет және қала құрылысы бөлімі пандус салынбаған ғимаратты пайдалануға берілмейтіндігін ескертеді. Бастау алған акция аясында, қала көшелеріндегі жаяу жүргіншілер жолындағы бордюрлар төмен түсіріліп орнатылуда.