Маңғыстауда имамдар форумы өтеді

«Рухани құндылықтар–қоғам бірлігінің негізі» форумы 22 қараша күні Ақтау қаласындағы Ассамблея үйінде өтеді. Оған жергілікті билік, өңіріміздегі дін саласы мен зиялы қауым өкілдері және қалалық, аудандық, ауылдық мешіттердің имамдары, ұстаздар мен жастар, жалпы жамағат қатысады, - деп хабарлайды  mangystaumedia.kz сайты Маңғыстау облысы Бекет ата мешітінің баспасөз қызметіне сілтеме жасап. Айта кетейік, қазан айында Нұр-Сұлтан қаласында «Рухани құндылықтар – қоғам бірлігінің негізі» атты үшінші имамдар форумы өтті. Форумда «Жеті рухани қазық» Қа­зақ­­стан мұсылмандарының Рухани Тұғыр­­намасы, «Дін қызметкерлері атқара­­тын діни рәсімдер тізілімі», «Діни қыз­меткерлердің лауазымдық міндет­тері» және «Діни лауазымдар тізілі­мі» ат­ты құжаттар қабылданды. Сол құжаттар арқылы имамдардың нақты міндеттерін айқындаған форум Алматы қаласында, Атырау облысында, Павлодар облысында, Талдықорған аймағында, Ақмола облысында, Ақтөбе облысында Шымкент қаласында, Қарағанды облысында, Алматы облысында және Семей қаласында жалғасын тапқан болатын.