Қайнар колледжі терроризмге қарсы қорғалу талабын орындамаған
[ 2019 ] 10 сәуір, 05:25 | Жаңалықтар
Қайнар колледжі объектінің терроризмге қарсы қорғалуын қамтамасыз ету және қауіпсіздігінің тиісті деңгейін сақтамаған. Ақтау қаласының мамандандырылған әкімшілік сотында ҚР ӘҚБтК-нің 149-бабының 1-бөлігімен колледжге қатысты әкімшілік іс қаралды, - деп хабарлайды mangystaumedia.kz сайты Маңғыстау облыстық сотына сілтеме жасап.
"Сотта анықталғандай, Қайнар колледжі сеніп тапсырылған объектінің терроризмге қарсы қорғалуын қамтамасыз ету және қауіпсіздігінің тиісті деңгейін сақтамаған, яғни ғимараттың бас және қосалқы кіру есіктері және адамдар көп жиналатын үй-жайлар бейнебақылаулармен жабдықталмаған", - делінген хабарламада.
Сот қаулысымен Қайнар колледжі ҚР Әкімшілік құқық бұзушылық туралы Кодексінің 149-бабының 1-бөлігімен кінәлі деп танылып, оған 200 АЕК мөлшерінде айыппұл салынды.
Сот қаулысы заңды күшіне енген
1662
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
