Жер мәселесі Әдеп жөніндегі кеңестің күн тәртібінде

Жуырда Маңғыстау облысындағы Әдеп жөніндегі кеңесінің кезекті отырысы өткізіліп, күн тәртібіне сәйкес бірнеше мәселелер қаралды, - деп хабарлайды mangystaumedia.kz сайты.  Атап айтқанда, Маңғыстау облыстық прокуратурасының заңбұзушылықты жою жөнінде ұсынуы негізінде Маңғыстау облысының қала құрылысын және жерді бақылау басқармасы басшысының орынбасары Б.Орынбасаров пен бас маман Д.Конироваға қатысты қозғалған тәртіптік істер қаралып, кеңес мүшелері қызметші Б.Орынбасаровқа қатысты «ҚР мемлекеттік қызметі туралы» Заңының 50 бабы 1 тармағы 4 тармақшасына сәйкес мемлекеттік қызметке кір келтірген теріс қылық деп тауып, оған «лауазымынан босату» түріндегі тәртіптік жаза қолдану туралы шешім қабылдады. Ал, бас маман Д. Конирова Әдеп кодексінің талаптарын бұзды деп табылып, оған «қатаң сөгіс» түріндегі тәртіптік жаза қолдану туралы жоғары тұрған мекеме басшысының атына ұсынымдар жолданатын болады. Тәртіптік шара қолдануға Басқармамен «Каспий» әлеуметтік кәсіпкерлер корпорациясына тиесілі жер учаскелерінің игерілмеуіне байланысты, салынған ауыртпалықты негізсіз деп алып тастау арқылы басқа тұлғаға артықшылық көрсеткені және мемлекеттік мекеме басшысының міндетін атқарған кезеңде жер заңнамасын бұзған тұлғаларды әкімшілік жауапкершілікке тартудан негізсіз босатқаны көрініс тапты. Бұдан басқа, Жаңаөзен қаласы әкімінің орынбасары С.Сейдалиевке қатысты тәртіптік іс қаралды. Тәртіптік істі қарау барысында белгілі болғандай, Агенттік арқылы түскен іс-құжаттар бойынша азамат А.Утебаевтың тұрғын үй салу үшін жер учаскесін беру жөніндегі өтініші жан-жақты қаралмай, өтініш иесінің бірнеше рет шағымдануына алып келген. Сонымен бірге, өтініште көрсетілген жер учаскесін алу үшін кезекке тұру кезінде және одан кейінгі кезектілігі бойынша сәйкессіздік расталған. Аумақтық департамент тарапынан Жаңаөзен қаласы әкімдігіне тиісті қызметтік тексеріс жүргізіп, өтініш иесіне сапалы жауап беру бойынша ұсыным жолданса да,  жер қатынастары Бөлімімен ұсынымда көрсетілгендей қызметтік тексеру жүргізілмеген, кемшіліктерді жою бойынша қажетті шаралар қабылданбаған, өтініш иесіне нақты толық жауап берілмеген. Бұл жағдай лауазымды тұлға С.Сейдалиевтың тарапынан да тиісті дәрежеде қадағаланбаған. Кеңес мүшелері тәртіптік істің құжаттарын зерделей келе, өтініш иесі А.Утебаевтың өтініші қалалық жер қатынастары бөлімімен қаралып, мерзімінде жауап берілгені, жауап хатта негізделген мән-жайларға Бөлім қызметкерлері жауапты болып табылатындықтан және тәртіптік жауапкершілікке тарту мерзімінің өтіп кетуіне байланысты,қызметші С.Сейдалиевке қатысты тәртіптік істі қысқарту туралы шешім қабылданды. Сонымен қатар, Еңбек, әлеуметтік қорғау және көші-қон Комитетінің Маңғыстау облысы бойынша департаментінің басшысы А.Елдесовтың 2018 және 2019 жылдың 8 айында мемлекеттік қызмет, мемлекеттік көрсетілетін қызметтер, сыбайлас жемқорлыққа қарсы іс-қимыл туралы заңнамаларының және әдеп кодексі талаптарының орындалуы немесе оның алдын алу мақсатында атқарылған іс-шаралар жөнінде талдамалық есебі тыңдалып, мемлекеттік көрсетілетін қызметтерді жетілдіру бойынша тиісті ұсынымдар енгізілді.

Махаббат НҰРЖАНҚЫЗЫ