Маңғыстаулық спортшы жекпе-жек сайысынан ҚР кубогын жеңіп алды
[ 2019 ] 3 сәуір, 04:56 | Жаңалықтар
Өскемен қаласында Жекпе-жек сайысынан ересектер арасында Қазақстан Республикасының кубогын маңғыстаулық Зинаида Белоусова жеңіп алды. Ол енді Санкт-Петербург қаласында өтетін Әлем чемпионатымен қоса, Берлин қаласында өтетін Әлем кубогына жолдама алды, - деп хабарлайды mangystaumedia.kz сайты.
Бәсекеге барлық өңірден 350-ге жуық спортшы қатысқан. Соның ішінде 55 келіде сынға түскен "Жас батыр" спорт мектебінің шәкірті 19 жастағы Зинаида Белоусова 1-орын иеленді.
«Сайыс тартысты өтті. Бұған дейін Зинаида жасөспірімдер арасында күресіп жүрген еді. Енді ересектер арасында сынға түскен. Ол бұл жарыста 4 рет белдесу өткізіп, жеңіске жетті. Баку қаласына оқу-жаттығуға барып, дайындығымызды үдеткен едік», - дейді Маңғыстау облысының қоян-қолтық ұрыс бойынша бас бапкері Рафик Эйвазов.
Айта кетелік, 14 жасынан бастап жекпе-жек сайысына қадам басқан Зинаида Белоусова Азия және Еуропа кубогының жүлдегері атанған.
Ақкенже БЕРКЕНОВА
Суреттерді "Жас батыр" мектебі ұсынды
[gallery td_select_gallery_slide="slide" ids="76568,76571,76569"]
1089
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
