Әлеуметтік аз қамтылған азаматтар үшін 40 мыңдай пәтер салынады
[ 2019 ] 27 ақпан, 06:20 | Жаңалықтар
Көп балалы отбасыларға 2-3 пайызбен баспана сатып алу мүмкіндігі беріледі. Бұл туралы "Нұр Отан" партиясының кезекті XVIII съезінде Президент Нұрсұлтан Назарбаев мәлімдеді, - деп хабарлайды mangystaumedia.kz сайты.
Президент съезде әлеуметтік аз қамтылған азаматтар үшін 40 мың пәтер салынатынын жеткізді.
"Баспанамен қамту мәселесі де маңызды. Үкіметке "Нұрлы жер" арқылы 40 мыңға жуық пәтер салуды тапсырамын. Ол аренда жүйесіндегі пәтерлер болады және әлеуметтік аз қамтылғандарға арналады", - деді Президент.
Н. Назарбаев осы санаттағы азаматтарға Тұрғын үй құрылыс жинақ жүйесі арқылы жылдық 2-3 пайызбен тұрғын үй заемын беру тетігін әзірлеуді тапсырды.
"Ол үшін Тұрғын үй құрылыс жинақ банкіне қаражат қажет болады және оған жыл сайын 50 млрд теңге бөлуді тапсырамын",- деді Нұрсұлтан Назарбаев.
Естеріңізге сала кетейік, бүгін Астанада ҚР Президенті Нұрсұлтан Назарбаевтың төрағалығымен «Нұр Отан» партиясының кезекті
XVIII съезі жұмысын бастады.
Мемлекет басшысы Нұрсұлтан Назарбаевтың «Нұр Отан» партиясының кезекті XVIII съезінде сөйлеген сөзінің толық мәтінін
мына жерден оқи аласыз.
616
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
