Мал ұрлығына қатысты күдікті "Бейнеу-Шетпе" трассасында ұсталды
[ 2019 ] 19 желтоқсан, 07:09 | Жаңалықтар
Бұл туралы mangystaumedia.kz сайты Маңғыстау облыстық полиция департаментінің баспасөз қызметіне сілтеме жасай отырып хабарлайды.
Полиция департаментінің мәлімдеуінше, 15 желтоқсан күні "Бейнеу-Шетпе" трассасында ешқандай құжаттары жоқ бауыздалған 3 бас жылқыны алып бара жатқан Газ-30232-244 маркалы автокөлікті Маңғыстау ауданы Полиция бөлімінің қызметкерлері тоқтатқан.
Бейнеу АПБ қызметкерлері жүргізілген іс-шаралар нәтижесінде аталған 3 бас жылқының иесі Боранқұл селосының тұрғыны екендігі анықталған.
Кейін белгілі болғандай, Боранқұл селосынан 30 шақырым жерде белгісіз біреулер өрісте жүрген малдарды мылтық қаруымен атып, содан соң 3 бас жылқыны сойып, белгісіз автокөлікке тиеп ұрлап кеткен. Келтірілген шығын сомасы 1 350 000 теңгені құрап отыр.
"Күдікті уақытша қамау абақтысында. Бұл дерек бойынша ҚР ҚК-нің 188-бабының 2-бөлігі 1-тармағымен СДТБТ-не тіркеліп, жан-жақты тергеп-тексеру жұмыстары жүргізіліп жатыр", - делінген хабарламада.
1602
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
