Аудан әкімі имамдармен кездесті
[ 2019 ] 19 желтоқсан, 06:03 | Жаңалықтар
Мұнайлы ауданының әкімі Р.Елтизаров ауыл, ауылдық округтеріндегі мешіттердің имамдарымен кездесті. Басқосуда діни тұрақтылықты нығайту мәселелері талқыланды, деп хабарлайды mangystaumedia.kz сайты Мұнайлы ауданы әкімінің баспасөз қызметіне сілтеме жасай отырып.
Аудан әкімі дінбасыларға қоғамдағы тыныштықты сақтаудан бөлек, өңірдің руханиятын арттыруды да қолға алу керектігін айтты. Ауданымызда насихат жұмыстары жүйелі түрде жүру қажет. Аудандағы тұрақтылық басты назарда болуы тиіс. Жат ағымдармен күрес жұмыстары толастамау керек. Осы негізгі міндеттер пысықталды. Өз кезегінде Маңғыстау облысының бас имамы А.Елжанов дін саласындағы атқарылып жатқан жұмыстар туралы және бірқатар мәселелер мен ұсыныстарын жеткізді.
Жиын барысында аудандағы кейбір ауыл және ауылдық округтерде мамандардың жетіспеушілігі сезіліп жатқаны өзекті мәселеге айналғаны айтылды. Бұл мәселені имамдар әлеуметтік мәселелермен байланыстырады. Жиынды қорытындылаған аудан әкімі аталған мәселелерді оң шешімін табу үшін тиісті шаралар қолға алынатынын айтты. Яғни, имамдарға пәтер мен жалақы беру мәселесі қаралмақ.
1867
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
