Бүгін облыс әкімі Ералы Тоғжановтың қатысуымен сан алуан спорт саңлақтарын марапаттау рәсімі өтті. Облыс басшысы өңірлік спорт саласында атқарылған ауқымды істер мен жаңа жобалар барысына тоқталып өтті.
“Биыл облыста 8 спорт кешені салынды. Тұрғын үй жанынан спорт сарайын салу жүйелі қолға алынып келеді. Алдағы жылы мемлекеттік жекеменшік әріптестік механизмі аясында мұз сарайын салу көзделіп отыр. Сонымен қоса шаһар аумағында теннис орталығын, ауыл-аймақтарда дене шынықтыру алаңдарын салу жоспарланған. Біздің басты мақсат - бұқаралық спорт түрлерін дамыту, жан-жақты қолдау көрсету. Дені сау ұлт қана бәсекеге қабілетті бола алады”, - деген өңір басшысы облыс спортшыларын Жаңа жыл мерекесімен құттықтап, жылы лебізін білдірді.
Салтанатты жиын барысында өңірлік спорт саласының дамуына үлес қосқан азаматтар марапатталды. Атап айтсақ, ҚР Мәдениет және спорт министрлігінің “Дене шынықтыру мен дамытуға сіңірген еңбегі үшін” төсбелгісімен, “Құрметті спорт қызметкері”, “ҚР еңбек сіңірген жаттықтырушысы” медалімен және Маңғыстау облысы әкімінің Алғыс хатымен бірқатар спорт үздіктеріне табысталды. Салтанатты жиын ән-күй шашуына ұласты.
Голрох ЖЕМЕНЕЙ Суреттерді түсірген Ақерке ГАГАРИНҚЫЗЫ
[gallery td_select_gallery_slide="slide" ids="45541,45525,45522,45523,45524,45540,45526,45527,45528,45529,45531,45530,45538,45537,45532,45533,45535,45536,45539"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
