Ш. Бөлтекұлы атындағы турнирде 5 маңғыстаулық жеңіске жетті (ФОТО, ВИДЕО)

Ақтауда аңызға айналған қазақстандық боксшы, ҚР еңбек сіңірген жаттықтырушысы Шоқыр Бөлтекұлы еске алуға арналған X халықаралық турнир аяқталды. Бұл туралы облыстық бокс федерациясында хабарлады.

«Маңғыстау арена» спорт кешенінде Қазақстан, Ресей, Өзбекстан, Қырғызстан, Тәжікстан, Польша, Әзірбайжан, Финляндия, Монғолия, Түркіменстан, Белоруссия, Армения және Грузия спортшылары 4 күн бойы халықаралық турнирдің жүлделерін сарапқа салды.

[embed]https://youtu.be/vkE61gGeeNM[/embed]

Сайыс қорытындысында 5 салмақ дәрежесі бойынша Маңғыстау спортшылары үздік атанды:

- Самат Жетібаев 49 келіге дейінгі салмақта;

- Азамат Исакулов 52 келіге дейінгі салмақта;

- 56 келі салмақ дәрежесінде Нұрбол Қалжанов;

- 60 келіге дейінгі салмақта Берік Әбдірахманов;

- 81 келі салмақ дәрежесінде Бекзат Нұрдәулетов.

Маңғыстау командасының қоржынына алғашқы алтын медалді 49 келі салмақ санатында жұдырықтасқан Самат Жетібаев салды. 20 жастағы ақтаулық боксшы Қырғызстаннан келген қарсыласынан басым түсті.

Екінші алтын медаль 52 келі салмақта ойнаған Азамат Исақұловқа бұйырды. Азамат қарағандылық қарсыласын 5: 0 есебімен жеңді.

Нұрбол Қалжанов 56 кг салмақтағы алтынды иеленді. Ол ақтық сында өзбек спортшысын тізе бүктірді.

Рио олимпиадасының қатысушысы Берік Әбдірахманов шешуші сайыста белоруссиялық боксшы Асанов Дмитриймен кездесті. Нәтиже 5:0 есебімен Беріктің пайдасына шешілді.

Тағы оқыңыздар: Маңғыстауда жыл соңына дейін 3 зауыт іске қосылады

81 келіде сынға түскен Бекзад Нұрдәулетов кезекті алтынды иеленіп, жерлестерін қуантты. Ол 5:0 есебімен өзбекстандық Саидрахимов Мадиярдан басым түсті.

- Барлық жігіттер, тапсырманы өте жақсы орындады. Енді Қазақстан чемпионатына дайындаламыз. Ол қараша айында Шымкент қаласында өтеді. Желтоқсанда ҚБФ жартылай финалына барамыз. Барлық боксшылар жақсы күрес көрсетті. Командалық жарыста біз бес алтын медальді ұтып, бірінші орынды иелендік, - дейді Маңғыстау командасының жаттықтырушысы, бокстан спорт шебері, ҚР еңбек сіңірген жаттықтырушысы Әділ Басағараев.

Айта кетейік, қалған 4 салмақ санатында Өзбекстан спортшылары чемпион атанды.

Теңге БЕКМҰРЗАЕВА

Суреттерді түсірген Талант ҚҰСАЙЫН

[gallery td_select_gallery_slide="slide" ids="38352,38353,38354,38355,38356,38357,38358,38359,38360,38361,38362,38363,38364,38365,38366,38367,38368,38369,38370,38371,38372,38373,38374"]