«Қазақстан», «Орал», «Сарыарқа» және «Маңғыстау» зымыран-артиллериялық корабльдерінің құрамында еліміздің әскери-теңіз күштері корабльдерінің тобы Каспий теңізінің қазақстандық секторының акваториясы бойынша жиын-жорық жасады, - деп хабарлайды mangystaumedia.kz Ақтау гарнизоны баспасөз қызметіне сілтеме жасап.
Экипаждар әскери кемелер мақсатына сәйкес тапсырмаларды шешетін жүзу аймағын зерттеді. Теңізшілер корабльдік жауынгерлік оқу-жаттығуларды пысықтады. Сонымен қатар, әуе және су үсті нысаналарына оқ жаудырды.
«Мұндай жорықтар жеке құрамға тәжірибелік және теориялық дағдыларды игеруге, кемелер экипаждарының теңіз машығы деңгейін арттыруға мүмкіндік береді», – деп атап өтті жиын-жорықтың жетекшісі, Әскери-теңіз күштерінің Бас қолбасшысы контр-адмирал Сәкен Бекжанов.
Оның айтуынша, кеме экипаждары қойылған міндетті толық орындады. Науқан алдында кемелер мұқият тексеріліп дайындалған. Бұған дейін Қазақстан ӘТК кемелері ағымдағы жылдың маусым айында жиын-жорыққа шыққан болатын.
Биылғы оқу жылында қаңтар айынан бастап қыркүйек айына дейін Қазақстанның Әскери-теңіз күштері теңізге 27 рет шығып, 6200-ден астам теңіз милін жүріп өтті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
