Мұнайлыдағы тұзбен емдеу орталығына келушілер саны артқан

Бұл туралы Мұнайлы аудандық кәсіпкерлік, ауыл шаруашылығы және ветеринария бөлімінің басшысы Дастан Мұраталиев мәлім етті.

«Бизнестің жол картасы - 2020» мемлекеттік бағдарламасы аясында кәсіпкер Жамилахан Жалғасова Мұнайлы ауданы, Маңғыстау ауылынан 2019 жылы 12 желтоқсан күні «Тұзбен емдеу орталығын» ашқан болатын. Жобаның мақсаты - балалар мен ересектерді қант диабеті, бронхит, аллергиялық және тері аурулардан табиғи, дәрі-дәрмексіз емдеуге арналған тұз үңгірін ашу. Тұзды үңгір - бұл жан-жағы тұзбен қапталған ғимарат. Мұнда пайдалы микроэлементтермен демала отырып, ем алады.

​«Мемлекеттік грант қаражатына (3 млн теңге) тұз және тұзбен емдеу құрал-жабдықтарын, сонымен қатар, «Мұнайлы несие» несиелік серіктестігі арқылы 6%-бен 6 млн теңгеге орталыққа қажетті жеңіл жүк автокөлігін сатып алдым. Бүгінде орталыққа басқа аудандардан да келушілер көп. 6 адам жұмыспен қамтылған. Ем алу бағасы ересектер үшін 1 500 теңге, зейнеткерлер үшін 1 000 теңге, балалар үшін 600 теңге, мүгедектер мен 5 жасқа дейінгі балаларға тегін. Емделушілерге жасайтын түрлі жеңілдіктер мен акцияларды да ұмытқан жоқпыз», - дейді орталық басшысы Жамилахан Джалғасова.

Тұз үңгірінің пайдасы - орнатылған ионизатордың ауа-райының арқасында, пайдалы бөлшектер мұнда табиғи жағдайларға қарағанда әлдеқайда тез бөлінеді және тиісінше дененің үлкен мөлшеріне түседі. Процедуралардың әсері теңіз жағасында болумен бірдей.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.