Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстауда Наурыз мерекесіне орай өткізілетін мәдени шаралар кейінге қалдырылды. Бұл туралы Маңғыстау облысы әкімінің орынбасары Қаныбек Жұмашев Қоғамдық коммуникация орталығында өткен брифингте мәлімдеді, - деп хабарлайды mangystaumedia.kz сайты.
13 наурыздан бастап барлық деңгейдегі көпшілік мәдени шаралар тоқтатылады. Аймақтағы «Адай ата - Отпан тау» тарихи-мәдени кешенінде жыл сайын өтетін Амал мерекесі және Көрісу күнін атап өту мерзімі кейінге шегерілді.
«Көпшілікті ойландырып жүрген Амал мерекесін өткізу кейінге қалдырылды. Мерекеге арнайы дайындық жүргізген ағайындардың осы шешімге түсіністік танытуын сұраймыз. Амал мерекесі – бірлік пен келісімнің мерекесі. Осындай қиын кезеңде адам денсаулығының маңызды екендігін түсінуіміз керек», - дейді Маңғыстау облысы әкімінің орынбасары Қ.Жұмашев.
Еске сала кетейік, бүгін ҚР Премьер-министрінің орынбасары Ералы Тоғжанов коронавирусқа байланысты мерекелік, спорттық, мәдени көпшілік іс-шараларды өткізуге тыйым салынатынын айтқан болатын.
Жұлдызай ҚАЛИЕВА
Сурет пен видеоны түсірген Талант ҚҰСАЙЫН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.