Ақтау қаласы Полиция басқармасының бастығы тағайындалды

Маңғыстау облысы полиция департаменті бастығының ұсынымына сәйкес ҚР ІІМ-нің бұйрығымен полиция полковнигі Мұханбетқали Нұрсұлтан Мұханбетқалиұлы Ақтау қаласы Полиция басқармасы бастығының лауазымына тағайындалды, - деп хабарлайды mangystaumedia.kz сайты.

Мұханбетқали Нұрсұлтан Мұханбетқалиұлы 21.02.1979 жылы Маңғыстау облысы, Ералы ауылында дүниеге келген.

Білімі: жоғары, 2001 жылы ҚР ІІМ Қостанай заң институтын «құқықтану» мамандығы бойынша бітірген.

Ішкі істер органдарында 2001 жылдың қыркүйек айынан бастап қызмет атқарып келеді.

2007 – 2014 жылдары аралығында Ақтау қаласы ІІБ криминалдық полиция бөлімінің бастығы, Маңғыстау облысы ІІД Криминалдық полиция басқармасының бөлімше бастығы, 2014 – 2017 жылдар аралығында Қарақия ауданы ІІб бастығы, 2017 – 2018 жылдар аралығында Бейнеу ауданы ІІб бастығы, 2020 – 2022 жылдары аралығында Маңғыстау облысы ПД Криминалдық полиция басқармасының бастығының орынбасары және де 01.01.2022 жылдан бастап Маңғыстау облысы ПД Криминалдық полиция басқармасының бастығы лауазымындарында қызмет атқарған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.