Астанада 16-18 маусым күндері өтетін Qazaqstan Barysy Grand Slam әлемдік турнирінде маңғыстаулық Сұңғат Жұбатқан мен Руслан Мұсаев күреседі, деп хабарлайды mangystaumedia.kz.
Қазақстан дзюдо федерациясының мәліметінше, әлемдік және олимпиадалық рейтингте ұпай беретін бұл жарыста Қазақстан намысын ұлттық құрама көшбасшыларымен бірге жас спортшылар да қорғайды.
66 келіде Маңғыстау облысының балуаны Сұңғат Жұбатқан мен 81 келіде Руслан Мұсаев татамиге шығады. Астанадағы «Барыс Арена» спорт кешенінде өтетін бұл жарысқа 45 елден 400-ден астам спортшы қатысады деп күтіліп отыр.
Маңғыстаулық Сұңғат Жұбатқан өткен аптада Душанбеде өткен Гран При турнирінде қола жүлдегер атанған болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
