Ақтауда шахматтан балалар арасында ҚР кубогының ІІІ кезеңі аяқталды
[ 2019 ] 1 шілде, 11:02 | Спорт
Ақтауда шахматтан «Лазарь Елмұханбетовтың мемориалына» арналған балалар арасындағы Қазақстан Республикасы кубогының ІІІ кезеңі аяқталды. Оған 3 жас категориясы бойынша 140-қа жуық шахматшы қатысты. Командалық есепте Маңғыстау облысы 2-орынды иеленді, - деп хабарлайды mangystaumedia.kz сайты.
Турнир
7 күнге созылды. Ойыншылар 3 жас категория бойынша сынға түсті. Сонымен қатар блиц және командалық шахмат ойыны өтті.
Блиц және open категориясы бойынша Ақтөбе облысынан келген Арыстанбек Уразаев 1 –орын алды. Вадим Хохлов пен Василий Дейнека үздік Манғыстау шахматшысы атанды.
https://youtu.be/vdMfugJeGic
Ал 14 жасқа дейінгі шахматшылар арасында ақтөбелік Алмас Шудабай жүлделі 1-орынды қанжығасына байлады. 12 жасқа дейінгі категория бойынша қыздар арасында маңғыстаулық Айдана Кушбай, ұлдар арасында алматылық Артемий Пак көш басынан көрінді.
«Сонымен қатар 10 жасқа дейінгі категорияда 1-орынды Нұр-Сұлтан қаласынан келген Рүстем Джумағұлов алды. Қостанайлық Әділбек Әділханов пен маңғыстаулық Гаухар Жаңбырбай 8 жасқа дейінгі шахматшылар арасында үздік атанды», - дейді Маңғыстау облыстық шахмат федерациясының атқарушы директоры Анвар Шайхымов.
Командалық есеп бойынша Ақтөбе облысы 1-орынға жайғасты. Маңғыстау облысы күміс жүлдеге ие болды. Ал алматылық команда жүлделі 3-орынды алды.
Жұлдызай ҚАЛИЕВА
Суреттер мен видеоны ұсынған Маңғыстау шахмат федерациясы
[gallery td_select_gallery_slide="slide" ids="82496,82500,82493,82495,82497"]
823
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
