ФУТБОЛ: «Каспий» өз алаңында жеңіліс тапты

Бүгін «Жас Қанат» стадионында «Каспий» мен «Астана» футбол командалары кездесті. Маңғыстаулық футболшылар 2:3 есебімен елордалық командаға есе жіберді, - деп хабарлайды mangystaumedia.kz сайты.

Ойынның алғашқы кезеңінде-ақ «Астана» өз қарсыласының қақпасына үш гол салып үлгерді. Ал «Каспий» екінші айналымда тартысты ойын өрнегін көрсетті. Нәтижесінде Александр Станисавлевич пен Тарас Бондаренко «Астана» қақпасына гол салып, есепті 2:3-ке жеткізді.

«Біздің екінші айналымда жіберген қателіктерімізді қарсылас «Каспий» командасы жақсы пайдалана алды. «Каспий» - жаңа команда әрі онда мықты ойыншылар бар. Бүгінгі қарсыласымыз алдағы ойындарда ұпай жинай алатынына сенемін», - деді «Астана» футбол командасының бас жаттықтырушысы Михал Билек.

«Каспий» футбол командасының жаттықтырушысы Срджан Благоевич жеңіске жеткен команданы құттықтады. Сондай-ақ мүмкіндікті пайдаланып, мықтылығын көрсете білген маңғыстаулық футболшыларға өз алғысын айтты.

Жұлдызай ҚАЛИЕВА

Суреттерді ұсынған «Каспий» футбол клубы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.