Жазғы еңбек жасағы абаттандыруға атсалысты

©

Бүкілхалықтық «Жасыл ел» жастар еңбек жасақтарының штабы құрылған он жыл ішінде еліміздің экологиялық ахуалын тұрақтандыру мен жақсарту мақсаты көзделіп келеді. Қазақ-станның барлық өңірлерінде жаз айларында, яғни жоғарғы сынып оқушылары мен студенттерінің демалыс уақытында ұйымдастырылатын бағдарлама Жаңаөзен қаласында өз жұмысын 10 маусымда 100 бала қабылданған алғашқы топпен бастады. Бір ай уақыт көлемінде бірінші топ еңбек жасақтары қаланың ЖПИК мекемелеріне бөлініп, шілде айының 10 күніне дейін аталмыш тазалық мекемелерінің қарамағында көшеттер отырғызу, аула сыпыру, тал суару, қоқыстардан тазарту секілді қоғамдық жұмыстарды атқарды. Жазғы еңбек бағдар-ламасының 2-ші кезеңіне 150 жеткіншек қабылданып, «Тазалық» цехтарына бөлінген бұл топ шілде айының 13-нен тамыз айының 13- ы күнге дейін жұмыс жасады.

Жазғы уақытты тиімді өткізу мен балалар-дың еңбек етіп шыңдалуына, қосымша табыс және көптеген достар табуына мүмкіндік беретін бағдарламаға 2015 жылға «Жаңаөзен қалалық жастар орталығы» КММ бюджетінен 3 млн 750 мың теңге қарастырылған. Аталған қаржыға сәйкес 200 жасқа 3 млн. 750 мың теңге осының ішінде  зейнетақы қорына 375000 теңге, 294600 теңге әлеуметтік салыққа, 200 жасқа бөлінген қаражат 3080400 теңге, әр жасқа қолына алатын соммасы 15402 теңге құрайды. Сонымен қатар, республикабойынша бюджеттен 150 балаға 2 млн. 250 мың теңге бөлініп, әр балаға шаққанда 15700 теңгеден сәйкес келді. Дәлірек айтқан-да, сегіз сағаттық қоғамдық жұмыс атқарған жасқа 31102 теңге, төрт сағаттық жұмыс уақытын жасаған 150 балаға тек республика бюджетінен 15700 теңге төленеді.

Биылғы «Жасыл ел» бағдарламасының еңбек жасақтары аталған екі кезеңде қала-мыздағы «Самал», «Шұғыла», «Шаңырақ», «Өркен», «Көктем» шағынаудандарының көркейту жұмыстарын, сонымен қатар Теңге, Рахат ауылдарының экологиялық жағдайын да назардан тыс қалдырмады. 16-29 жас ара-лығындағы жастар аптаның бес күні қала-мыздың көрікті орындарын көгалдандыру мен тазалық істерін жүргізді. Ағашқа су құю, талдың түбін қопсыту, арам шөптерді жұлу, қаланы күл-қоқыстан тазарту тектес жұмыстарды атқарды.

Бағдарламаның басты мақсаты бойынша балаларды жұмыспен ғана қамтып қоймай, жаздың екі айын көңілді өткізу мәселесі де қаралды. Әр аптаның жұмыс күндері достық кездесулер, жастар тақырыбында семинарлар, демалыс күндері балалардың арасында түрлі бағыттағы ойындар ұйымдастырылып отырды.

Белсенді еңбек жасақтарына арналған алғашқы танымдық саяхат қаламызда орналасқан «Үстірт мемлекеттік қорығы» музейінде өткізілді. Бір топ балаға киелі Маңғыстаудың жерінде орналасқан Үстірт өлкесінің сирек кездесетін жануарлары, өсімдіктері таныстырылды. Оған қоса, му-зейдің бір бөлігіне қойылған қазақтың ұлттық бұйымдары мен ата-бабаларымыз қолданған құрал-саймандары, қару-жарақтары туралы да мәлімет берілді. Табиғатты қорғау, жойы-лып кету қаупі бар, әрі сирек кездесетін өсімдіктер мен жан-жануарлар әлемі танысты-рылған саяхат жастардың көңілінен шықты.

«Жасыл ел» еңбек жасақтары келесі сая-хатты қалалық Ардагерлер үйіне жасады. Саяхаттап барған бір топ жас қоқыстанып жатырған ғимарат айналасын көріп, бірден тазарту жұмыстарына кірісіп кетті. Шағын бақшадағы сынған ағаш пен тастарды шыға-рып, шашылып жатқан темір-терсектерді жи-нақтады. Жастардың келіп, көмек көрсеткеніне риза болған ардагерлеріміз балаларға  батасын беріп, жылы лебіздерін білдірді.

«Жасыл ел» еңбек жасағының тағы бір топ жасы Ұлы Отан соғысының ардагері Ыбырай Бекпанов атаның үйінде болды. Олар Елбасы Н.Ә.Назарбаевтың шақыруымен Астанадағы 9 Мамыр Ұлы Жеңістің 70 жыл-дығына жасалған шеруге қатысқан ардагер-мен сұхбаттасып, сұм соғыс жылдары бастан кешірген оқиғаларына куә болды. Соғыс ардагері риза болған ұрпағына ақ батасын берді.

Кешкі самал жел өтінде ұйымдастырылған кезекті көңілді кеш «Guitarа Party» деп аталды. Жастар орталығы жанынан құрылған «UniMuz» гитара клубы «Мұнайшы» МҮ жа-нындағы Дулығаға жиналып, бұрын соңды болмаған гитарадан жарыс өткізді. Шараны тамашалауға келген «Жасыл ел» жасактары қызу тартыста ән айтып, кешті думанға айналдырып жіберді.

Әдемі думанды кештен соң келесі іс-шара аяқдоп шеберлеріне арналды.  «Бірлік қайда бар – ынтымақ та сонда» атты шағын футболдан өткен жарыста Батыр Тулкібаев «Үздік шабуылшы» атанды. Тартысты, әрі қызықты өткен футбол ойынынан соң жастардың өтініштерімен әр аптада спорттық ойындар ұйымдастырылып  отырды.  Үздік танылған ойыншылар облыстық «Жасыл ел» жасақтары арасындағы футболдан жарысқа қатысты.

«Жасыл ел» еңбек жасақтарының тағы бір ат салысқан қайырымдылық шарасы Жастар орталығы және №2 Қалалық емхана, «Integral-sk» қоғамдық бірлестігімен   өткізілген «Денсаулығыңды тексер» акциясына белсенділік танытуы. Халыққа қызмет көрсету орталығында өткен шарада еңбек жасақтары тегін қан қысымы мен қант диа-бетін тексертіп өз денсаулықтарына қатысты кеңес алды. Сонымен қатар, жастар акция аясында  «Integral-sk» қоғамдық бірлестігінің мамандары  жасаған бірнеше тәжірибеге куә болды. Мысалы, бір шыны аяққа жұмыртқаның ақуызын салып, оның үстіне спиртті құйғанда жұмыртқа іріп кетеді, яғни алкогольдің адам ағзасына да дәл осылай әсер ететіндігіне көз жеткізді.

Зиянды әрекеттерден бойды аулақ ұстау тақырыбы насихатталған, дәлірек айтсақ,  «Жасыл ел» еңбек жасағының жастары Халықаралық нашақорлықпен күрес күніне орай өткізілген «Есірткісіз болашақ» атты дөңгелек үстелге қатысты. Бұл шарада бүгінгі күннің басты мәселесіне айналған есірткі атаулының зияны баяндалып, мамандардың кеңестерін тыңдады. Жастарға зиянды әдеттерді көрсету мақсатында бірнеше арнайы дайындалған видео ролик көрсетілді. Жаңаөзен қалалық №1 емхана нарколог маманы Әлия Аманова жастарға бүгінгі таңда белең алған нашақорлықтың алдын алу мен бір рет қолданып көргеннен кейін оған психикалық тәуелділіктің болатындығын, денсаулықтың қадірін білу керек екендігін түсіндірді. Бұл дөңгелек үстелде нашақорлықтың зияны ғана айтылып қоймай, Жастар орталығы басшысы Жадыра Айболатқызы адам ағзасына шылымның, алкогольды, газды сусындардың, қуырылған, тұздалған тағамдардың зияны жайында да мәлімет айтып өтті. Дөңгелек үстелдің соңында жастар «Біз есірткісіз болашақты қолдаймыз!!!» деп ұрандатып, қарсылықтарын шағын флешмобпен білдірді.

Президент Нұрсұлтан Назарбаев «Жасыл ел» және құрылыс жасақтары жастардың жазғы демалыс кезінде бос уақыттарын тиімді өткізуге септігін тигізетін бірден-бір ұйым болып табылатындығын айтқан болатын. Сондай-ақ, бағдарлама тек табиғатты қорғау мен экологияны сақтауға ғана емес, жастардың тәрбиесі мен еңбекке баулуға бағытталады делінген. Аталған міндеттерді іске асыруда «Жасыл ел» еңбек жасақта-рымен жоспардағы бірнеше іс-шаралар атқарылды, еңбек уақытынан бөлек таным-дық, қайырымдылық шараларға белсене қатысты, думанды кештерде көңілдерін көтеріп отырды.

Ұлмекен Ақбергенова, 

Жаңаөзен «Жасыл ел» жазғы еңбек жасағының жетекшісі.

Сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.