Ақтауда жаңажылдық шырша орнатылып жатыр
[ 2019 ] 20 желтоқсан, 09:17 | Қоғам
Жаңажылдық шырша 4 шағынаудандағы «Астана» алаңында орнатылып жатыр. Шыршаны құру және безендіру жұмыстары 19 желтоқсан күні басталды, - деп хабарлайды mangystaumedia.kz сайты.
Сонымен қатар жаңажылдық шырша 15 шағынаудандағы амфитеатр және 34 шағынаудандағы Қазақстан халқы Ассамблеясы ғимараты алдына орнатылады.
«Биыл жаңа жыл қарсаңында қаланы безендіру үшін мәслихат шешімімен 37 млн теңге қарастырылған болатын. Оны мемлекеттік сатып алу конкурсымен «Атамекен» қоғамдық бірлестігі 29 млн теңгеге ұтып алған. Енді мердігер мекеме сметалық құжат бойынша 15 метр жаңа шыршаны амфитеатр алаңына орнатады», - деді Ақтау қаласы әкімдігінің баспасөз қызметі.
Айта кетейік, былтыр шыршаны безендіруге мүлдем қаржы бөлінбеген. 2016-2017 жылдардан қалған түрлі-түсті шамдармен әсемдеген. Алайда шыршаға ілінген ойыншықтар сынған, ағаштарға, бұталар, гүлзарлар мен шамдардың бағаналарына ілінген гирляндаларды белгісіз тұрғындар бүлдіріп, кей бөлігі қолды болғаннан кейін жаңа шырша сатып алынып отыр. Ал алдыңғы жылдардан қалған екі шырша жоғарыда атап өткен шағынаудандарға қойылады.
Жұлдызай ҚАЛИЕВА
Суреттерді түсірген Талант ҚҰСАЙЫН
1956
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
