Ағаштарды отаған экскаватор жүргізушісі жұмыстан шығарылды

Ақтаудағы жаңа шағынаудандарды газдандыру жобасымен айналысатын мердігер мекеменің қызметкері жұмыстан шығарылды, - деп хабарлайды mangystaumedia.kz сайты. Жақында қаладағы жаңа шағынаудандарды газдандыру жұмыстары басталған. Жұмыс барысында мердігер мекемеге қарасты экскаватор жүргізушісі ағаштарды басып өткен болатын. Тұрғындар наразылығынан кейін Ақтау қаласының әкімдігі компанияға қатысты шаралар қолданды. https://www.instagram.com/p/B6FpuevHmbf/?igshid=8unn8ijkom40 «Жаңа шағынаудандардағы газ құбырындағы барлық жұмыс аяқталғаннан кейін жойылған ағаштар қалыпқа келтіріледі. Мердігер мекеме көшеттерді қайта отырғызуға міндеттелді. Бұл мәселе қала әкімдігінің бақылауында», - деп мәлімдеді Ақтау қалалық әкімдігінің баспасөз қызметі. Айтуынша, мердігер компанияның экскаватор жүргізушісі жұмыстан босатылды. Аталған мекеме оқиғаға байланысты тұрғындардан кешірім сұрады.

Жұлдызай ҚАЛИЕВА

Видео Ақтау қаласы әкімдігінің инстапарақшасынан алынды