«Nur Otan» партиясы МОФ-да электр энергиясы тарифінің өсу динамикасы талқыланды
[ 2019 ] 22 қазан, 06:02 | Қоғам
18 қазанда «Nur Otan» партиясы Маңғыстау облыстық филиалының мәжіліс залында облыстық «Nur Otan» партиясы Маңғыстау облыстық мәслихаттағы депутаттық фракция жиналысы өтті.
Жиналысқа «Nur Otan» партиясы Маңғыстау облыстық филиалы төрағасының бірінші орынбасары Е. Әбілов,«Nur Otan» партиясы Маңғыстау облыстық мәслихаттағы депутаттық фракция мүшелері, «МАЭК – Казатомпром» ЖШС бас директорының міндетін атқарушы И. Чернецкий, экономика және қаржы бойынша бас директордың орынбасары – К. Касымбеков, «Маңғыстау Аймақтық Электржелілік Компаниясы» АҚ басқарушы төрағаның орынбасары – Е. Денисова, кірістер бойынша директорының орынбасары – Н. Дисенбаев, «АУЭС» МКК Ақтау электржелілері басқарма басшысы – А. Аймагамбетов, Табиғи Монополияларды реттеу комитетінің Маңғыстау облысы бойынша департаментінің бөлім басшысы – К. Көшекбаев, Энергетика тұрғын үй-коммуналдық шаруашылық басқарма басшысының орынбасары – Н. Орынбасаров, «Маңғыстау Жарық» ЖШС-нің директоры – Е.Давлетпаков, Облыстық тұтынушылар құқын қорғау қоғамы ҚБ төрайымы – Н. Рафикова, белсенділер, Ақтау қалалық әкімінің кеңесшісі – С. Гусман қатысты.
«Nur Otan» партиясы Маңғыстау облыстық филиалы төрағасының бірінші орынбасары Әбілов Елубай Жақайұлы:
– Елбасы айтқандай «Партия еліміздің жетекші саяси күші болғандықтан, мемлекеттің стратегиялық бағыты мен дамуын қамтамасыз етуі тиіс. Сондықтан, жергілікті атқарушы билік пен фракция халықтың мәселелерін бірігіп шешуі маңызды. Депутаттар халық арасында резонанс тудырып отырған мәселелерді көтеріп, оны шешу жолдарын ұсынуы керек» деген тапсырмаларын Маңғыстау облысымәслихаттағы депутаттық фракция мүшелері жақсы түсінеді, -деді.
Электр энергиясы тарифтерінің өсуі Маңғыстау облысы тұрғындарын алаңдатып отырған өзекті мәселенің бірыңғайы. Бұл мәселені Маңғыстау облысы әкімі, «Nur Otan» партиясы МОФ төрағасы Трұмов Серікбай Өтелгенұлы бақылауда ұстап, әкімдік жанынан арнайы жұмыс тобын құрды. «Nur Otan» партиясы Маңғыстау облыстық мәслихаттағы депутаттық фракциясы және қоғам белсенділері осы тақырыпты басты назарға алып, нақты нәтиже шығаруға ұсыныстарын айтты. Отырыста жоғарыда аталған мекеме өкілдері баяндама оқып, сұрақтарға жауап берді.
Маңғыстау облыстық мәслихатындағы «Nur Otan» партиясы қоғамдық бірлестігі депутаттық фракциясы күн тәртібіндегі мәселелер мен ұсыныстарды талқылай келе, жоғарыда аталған мекемелер мен басқарма басшылары жақын күндері қазіргі тарифтің жағдайы туралы БАҚ-да, жергілікті тұрғындарға түсінік жұмыстарын жүргізуге міндеттелді.
«МАЭК – Казатомпром» ЖШС-гі БН-350- өнеркәсіптік жылдам реакторының шығындарын өтеуді тариф есебінен алып, шығынды өтеудің басқа жолдарын қарастырып, ұсыныстарын Маңғыстау облыс әкімі жанынан құрылған жұмысшы тобына жолдау сұралды және депутаттық фракция мүшелері мен белсенділердің тариф мәселесі бойынша ұсыныстарын Маңғыстау облысы әкімі жанынан құрылған жұмысшы тобына жолдау келісілді.
«Маңғыстау Аймақтық Электржелілік Компаниясы» АҚ мен «АУЭС» МКК Ақтау электржелілері мекемесін біріктіру туралы ұсынысы бойынша «Маңғыстау Аймақтық Электржелілік Компаниясы» АҚ басқарушы төрағаның орынбасары Е.А. Денисова бір апта ішінде осы мәселе бойынша атқарылған жұмыстар жөнінде ақпарат дайындап, Маңғыстау облыстық мәслихатындағы «Nur Otan» партиясы депутаттық фракциясына тапсыруға уәде етті.
Электр энергиясы тарифтерінің өсуі«Nur Otan» партиясы Маңғыстау облыстық мәслихаттағы депутаттық фракциясының бақылауында.
1215
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.