Маңғыстау облысының әкімі Таушық ауылында болды

Өткен аптаның соңында Маңғыстау облысының әкімі Серікбай Трұмов Түпқараған ауданы Таушық ауылында болды. Өңір басшысы Таушық ауылының ақсақалдарымен кездесіп, ауылдың хал-ахуалы, өңірдің дамуы жайында әңгіме өрбітті. Ел ағалары өз кезегінде Серікбай Өтелгенұлына ақыл-кеңестері мен ұсыныс-тілектерін жеткізді. Ауылдың 80 жылдығын атап өткелі отырған тұрғындар айтарлықтай мәселе жоқтығын алға тартты. Ауыл ішіндегі негізгі көшелерге 2,5 шақырым асфальт жол салынбақ. Мәдениет үйі күрделі жөндеуден өтпек. Осыған дейін 300 метр жерге түнгі көше жарығы салынған. Ақсақалдар осындай игілікті істерге, жасалып жатқан жұмыстарға тоқталып өтіп, ризашылықтарын білдірді. Келесі кезекте аймақ басшысы «Гаухар» балабақшасының жұмысымен танысты. 100 орындыққа шақталған мектепке дейінгі ордада қазіргі таңда 70 бала тәрбиеленуде. Ауыл тұрғыны Муса Сегізбайұлы бұл жөнінде былай дейді: - Өзге елді мекендерде, еліміздің өзге түкпір-түкпірлерінде балабақшаларға бала сыйғыза алмай, кезек күннен-күнге өршіп тұрған жайы бар. Ал Таушықта бой көтеріп жатқан мектепке дейінгі білім ордалары күн санап көбеюде.

Ақкеттік арайы газеті №49