Түпқараған ауданына қарасты Ақшұқыр футбол үйірмесінің жас футболшылары U-13 санаты «ЕмбіМұнайГаздың» 100 жылдығына орай ұйымдастырылған «Embi Cup» турнирінде ІІ орын иеленді, - деп хабарлайды mangystaumedia.kz облыстық ҚКО-ға сілтеме жасап.
Түпқараған ауданы әкімдігі баспасөз қызметінің мәліметінше, республикалық турнир 26-29 мамыр аралығында Атырауда өткен. Турнирге 8 команда қатысқан.
- Турнир өте тартысты болды, жоғары деңгейде ұйымдастырылған. Қарсыластарымыз да мықты болды. Біз ұтамыз деп келдік, барымызды салдық, ІІ орын бұйырды. Бірақ бұның өзі біз үшін үлкен жетістік. Жақсы ойын өрнегін көрсеткен шәкірттерім әртүрлі марапаттар алды, - деді команда бапкері Әділет Асанғалиев.
Турнир қорытындысы бойынша команда 300 мың теңге сыйақы алды. Ал Шахмардан Демесін «Үздік қорғаушы» атағын жеңіп алса, Мейіржан Ринатұлы турнирдің «Үздік жас ойыншысы» атанды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
