Маңғыстау облысы Полиция департаментінің Криминалдық полиция басқармасы қызметкерлері Түпқараған ауданының тұрғынынан мемлекет қорғауындағы сирек кездесетін құсты тәркіледі, деп хабарлайды mangystaumedia.kz облыстық Полиция департаментіне сілтеме жасап.
Белгілі болғаны - қызыл кітапқа енген қыран құс болып шықты.
Аталған факт ҚР Қылмыстық кодексінің 339-бабы (сирек кездесетін және жоғалып кету қаупі төнген түрлермен, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз айналысу) бойынша тіркелді. Тергеу жалғасып жатыр.
Тергеу мүддесіне қатысты басқа мәліметтер жарияланбайды.
Ал, Маңғыстау облысының полиция департаменті табиғатты қорғау заңнамасын бұзбауға шақырады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
