Мәжіліс депутаты — Түпқарағанда

Қазақстан Республикасы Парламенті Мәжiлiсінің депутаты Нұрлан Дулатбеков жұмыс сапарымен Түпқараған ауданы Форт-Шевченко қаласына келді. Жұмыс сапарының алғашқы қадамын ұстазы Салық Зиманов қызмет еткен қазіргі Түпқараған аудандық білім жүйесін дамыту орталығынан бастаған Нұрлан Орынбасарұлы аудан және ғимарат тарихына аса қызығушылық білдірді. Жергілікті ұлутастан готикалық стильде салынған әйгілі «Көк мектептің» тарихына қаныққан мәжіліс депутаты аудан әкімі Айдос Таңғалиұлына көкейіндегі ойлары мен бірнеше ұсыныстарын жеткізді. Жұмыс сапарының екінші қадамы Т.Шевченко атындағы мемориалдық мұражайға   бағытталды. Форт-Шевченко қаласының белсенді жастары мен қала ардагерлері Нұрлан Орынбасарұлымен орталық бақ ішінде еркін форматта кездесу өткізді. Еркін әңгіме барысында ардагерлер қауымы Мәжіліс депутатына бірнеше ұсыныстары мен мәселелерін жеткізді. Күн тәртібіндегі өздерін алаңдатқан әлеуметтік мәселелердің шешілу жолдарын тыңдаған ардагерлер қаланың өткен-кеткен тарихын айтып, Тарас Шевченко атындағы мұражайды аралай отырып, құнды жәдігерлерді таныстырды.

Еділбек ДҮЙСЕНОВ