Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
Бұл ұсыныс аудан әкімі Т. Асауовтың аудан активтері мен тұрғындары алдында болған қорытынды есеп беру жиналысында сөз болды. Аудан тұрғындары осы жиында тағы басқа бірнеше ұсыныстар мен тілектерін ашық айтты.
Аудан болып құрылғанына 25 жыл болған Түпқараған ауданында балық шаруашылығын дамыту туралы ұсыныс-пікірлер бірнеше жылдан бері айтылып келеді. Осы ретте Ақшұқыр ауылындағы жеке кәсіпкердің қолға алуымен ашылған «Қазақ-Осетр» фермасының өнімін айтуға болады. Бірақ осы жолы тұрғындар көтерген балық шаруашылығының жөні бөлек. Бұл шаруаның оңай іс емесін ауданымыздың құрметті азаматы, көп жылдар балық шаруашылығында жұмыс атқарған ардагер Тәуірхан Қанжанов мәселе етіп көтерді:
– Жұмыссыз азаматтарға жұмыс керек дейміз, бірақ қолда бар мүмкіндікті пайдалана алмай отырмыз. Ол үшін бұрынғы кеңестік кезеңде гүрлеген балық шаруашылығын қайта жандандыруды ұсынамын. Теңізде аулауға рұқсат етілген балық түрлерін аулап, балықшылардың бірігіп жұмыс жасауын қамтамасыз етіп, ауланған балықты сату, консервілеу, оның қаржысын басқару сияқты жүйе керек. Техникаларды жаңарту сияқты мәселе тағы бар. Осы айтылған мәселелерді облыс деңгейінде емес, республика көлемінде шешуге үлкен көмек керек, - деді.
Одан басқа тұрғындар тарапынан Мұрын жырау мектебінің құрылысын жалғастыру, Аташ елдімекеніне жабық типті спорт залының керектігін және су, газ құбырларын тарту сияқты мәселелер айтылып, жауаптар берілді. Жиналған көпшілік аудан әкімінің есебіне қанағаттанарлық деген баға берді.
ТАҒЫ ОҚЫҢЫЗ: Форт-Шевченко қаласы және Баутин ауылы 100% су жүйесімен қамтылмақКлара ҚАНСҰЛТАНОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.