Форт-Шевченко қаласының әлеуметтік-экономикалық дамуының 2019 жылғы есебі тыңдалды

Кеше Форт-Шевченко қаласы әкімінің қаланың әлеуметтік-экономикалық дамуы бойынша 2019 жылы атқарған жұмыстарының есебі мен 2020 жылға міндеттері тыңдалды, - деп хабарлайды mangystaumedia.kz сайты Түпқараған ауданы әкімдігінің баспасөз қызметіне сілтеме жасап.

Есеп беру кездесуіне Түпқараған ауданының әкімі Қосуақов Айбек пен "Маңғыстау облысының жер қатынастары басқармасы" мемлекеттік мекемесінің басшысы Дүзмағамбетов Есемұрат қатысты. Түпқараған ауданында 2019 жылы жасалған жұмыстар мен ауданның әлеуметтік-экономикалық дамуы туралы есеп берген Айбек Қосуақұлы қала тұрғындары тарапынан қойылған сұрақтарға жауап берді. Тұрғындар өздерін алаңдатып отырған мәселелерін ортаға салып, жаңа әкімнің назарынан аталған мәселелердің тыс қалмауын сұрап, алдағы жұмысына сәттілік тіледі.

Форт–Шевченко қаласындағы халық саны 2019 жылы – 7298 адамды құрап отыр. Тұрғын үй саны – 1395, белсенді халық саны – 3420 адамды құрайды. Зейнеткерлер саны – 526 адам, тыл ардагері – 27, ауған соғысы ардагері – 2 , алтын алқа иегері – 47, күміс алқа иегері – 84 адам. 1, 2, 3 топ мүгедектері – 321 адам, бала жастан мүгедектер – 106 адам.

Форт-Шевченко қаласында жыл басынан бері жұмыссыздыққа 1 649 адам тіркелді. Олардан 661 адам тұрақты жұмыс орындарға орналасса, 54 адам мемлекеттік бағдарламалардың «қысқа мерзімді», «бастау бизнес», «жас кәсіпкер» бағытында тегін түрлі салада қысқа мерзімді (курстар) оқуларға қатысып сертификаттарын алды. Нәтижесінде 16 адам қайтарымсыз грант алған.

Қалада 113 кәсіпкерлік нысан, оның ішінде 6 тігін цехы, 19 кафе, мейрамханалар, донер, шайхана, 2 наубайхана, 54 азық-түлік дүкені, 1 базар, 2 қонақ үй, 13 киім-кешек дүкені, 3 дәріхана, 5 шаштараз және әсемдік салондары, 3 жиһаздар дүкені, 2 фото салон, 4 құрылыс материалдары дүкені, 4 газ құю бекеті, 1 оқу орталығы, 3 көлік жуу және 3 көлік жөндеу орталы, 2 тіс емдеу орталығы, 1 дәнекерлеу орталығы, 2 балалар ойын орталығы, 4 такси қызметі бар. Кәсіпкерлік саласындағы жұмысшылар саны – 152 адамды құрайды. Негізгі азық-түлікке баға тұрақтылығын қамтамасыз ету мақсатында шағын маркеттермен меморандум жасалған. Жыл бойы негізгі азық-түлік түрлерінің бағасына мониторинг жүргізіліп отыр.

Сонымен қатар, қалада 48 пәтерлі қос қабатты тұрғын үйдің және екі 16 пәтерлі қос қабатты тұрғын үйлердің құрылысы жүріп жатыр. Қаламыздағы әлеуметтік нысандар «Қазақтелеком» АҚ-ның қызметі арқылы интернет және телефон байланысымен қамтылған. Қосымша, «Kaz Trans com» ЖШС-ы интернет желісін тартып жатыр.

Қала халқының орталықтандырылған сумен жабдықтауға қол жетімділігі 75%-ды құрайды. Қала тұрғындарын 90% орталықтандырылған ауыз сумен қамтамасыз ету мақсатында, «Форт-Шевченко қаласында және Баутино ауылында су құбырын және кәріз жүргізу, түзетудің Форт-Шевченко қаласындағы жеке тұрғын үйлерге жүргізілетін су құбыры және су қабылдағыш ұңғымасынан су құбырының сорғы станциясының (ССС) алаңына дейін су таратқыш» жұмысы жүргізілуде. Қаладағы коммуналдық меншіктегі су құбыры желілерінің жалпы ұзындығы 65,51 км-ді құрайды.

Қала көгілдір отынмен толық қамтылған. Қазіргі таңда қаланың Жаңа кетік шағын ауданында 900 учаскеге газ құбырын тарту жұмыстары жүргізіліп жатыр. 2020 жылы аяқтау жоспарда бар. Қала толықтай жарықпен қамтылған. Көше жарықтарына бөлінген 60,539 млн теңге қаражатқа «Түпқараған электр жүйесі» МКК-ы қаланың түнгі мезгілдегі көше жарықтарын жыл бойына сапалы қамтамасыз етті.

Қалаішілік жолдардың орташа жөндеу жұмыстарына 5,1 км 192 млн теңге қаражат бөлініп, мемлекеттік сатып алу заңына сәйкес мердігер мекеме анықталып келісім шартқа отыру жұмыстары жүргізілуде. Жаңа кетік шағын ауданына 7,1 км асфальт жолын төсеуге ЖСҚ жасақталып, қазіргі таңда мемлекеттік сараптамадан өту кезеңінде . Форт–Шевченко қаласында 4 ойын алаңы, 3 спорт алаңы мен 1 аудандық спорт кешені бар.

Тұрғын үй құрылысын салуға жер телімін сұраған өтініштерімен жер кезегінде 3 706 адам тіркеуде тұр. Жер телімдері қолданыстағы заңнамаға сәйкес, қажетті инженерлік инфрақұрылыммен жер алқаптары дайын болуына қарай өтініштер кезектілікпен қанағаттандырылатын болады. Осы мәселені шешу бойынша қазіргі таңда Форт–Шевченко қаласының оңтүстік бағытында тұрғын үй құрылысын салуға 900 жер учаскелеріне тоқ тарту жұмыстарының ЖСҚ жасақталуда. Газ желісі толықтай тартылды. 2006 жылдан бері жер кезегінде тұрған өтініштер кезекпен қаралады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.